Test – kechirimli insonmisiz?

Sizni xafa qilishdi. Qattiq ranjidingiz. Ko‘z yosh ham to‘kildi. Endi qarangki, o‘sha dilozor uzr so‘rab o‘tiribdi… Xo‘sh, siz kechirimli insonmisiz? Testimizni ishlang va maslahatlarimizga quloq tuting.

  1. Tiqilinch avtobusdasiz. Yo‘lovchilardan biri oyog‘ingizni bosib olsa…

A. «Agar u uzr so‘rasa, miyig‘ida jilmayib qo‘yaman».

B. «Tanbeh beraman».

V. «Biroz surilib turaman».

G. «Men ham uning oyog‘ini bosib olaman».

  1. Taqdir ekan, ko‘ngil qo‘yganingiz bilan ayrildingiz. Oradan bir yil o‘tgach, u sizni to‘yiga taklif qilsa…

A. «Ahmoq! Bu men uchun qanchalik og‘riqli ekanligini bilmaydimi?»

B. «Borib turgan surbetlik-ku bu!»

V. «U uchun xursand bo‘laman…»

G. «Kimga aza, kimga to‘y, deb shuni aytishsa kerak-da!»

  1. Yangi ishga kirish uchun suhbatga bordingiz. Qarasangiz, bir paytlari sizni qattiq ranjitgan dushmaningiz — rahbar. Qanday yo‘l tutasiz?

A. «U o‘zini noqulay sezmasligi uchun iloji boricha vaziyatni yumshatishga harakat qilaman».

B. «Bu ikkimiz uchun ham kutilmagan va noxush uchrashuv bo‘ladi-yov».

V. «Kulib so‘z boshlayman».

G. «Xayolimga «Shunaqa katta odam bo‘lib ketibdimi?» degan fikr kelishi aniq».

  1. Tasodifan eski qadrdoningiz bilan ko‘rishib qoldingiz. Qariyb besh yildan buyon u haqda hech qanday ma’lumotga ega emasdingiz.

A. «Birinchi navbatda, shuncha vaqtdan beri qaerlarda yurganini so‘rardim».

B. «Ko‘rishganimdan xursand bo‘laman!»

V. «Oldingidek munosabatda bo‘lishim qiyin».

G. «Besh yil men uchun katta muddat. Uni bir qarashda tanisam ham katta gap!»

  1. Yaqiningiz, deylik, umr yo‘ldoshingiz sizning nomingizga kelgan maktubni o‘qisa, tilingizga ko‘chuvchi birinchi jumla?

A. «Tasodifan mening pochtamni titkiladingiz, shekilli-a?»

B. «Tushunaman, sizning cho‘ntak kavlashdan boshqa tashvishingiz yo‘q!»

V. «Bu meniki-ku!»

G. «Bu voqeadan keyin sizga qanday ishonishim mumkin?»

  1. Oila a’zolaringizdan biri juda ko‘p pul sarflayotganingizdan achchiqlansa…

A. Xushmuomalalik bilan o‘zingizga yarasha istak-xohishlaringiz, chiqimlaringiz borligini tushuntirasiz.

B. Asabiylashasiz.

V. Nimaga, qaerga, qancha — hisobot berishga erinmaysiz.

G. Uni tushunishga harakat qilasiz.

  1. Nimani kechirishingiz qiyin?

A. «Kimdir mening taqdirimni hal qilmoqchi bo‘lganini».

B. «Va nihoyat, mavzuga oid savol berdingiz! Yaxshilab o‘ylab olay!»

V. «Birovning aybi uchun meni jazolashganini unutolmayman».

G. «Kuchli asabiy holatga sababchi bo‘lganlarning uzrini qabul qilolmasam kerak».

  1. Qachonlardir ko‘nglingizni og‘ritgan kishi sizdan uzr so‘rasa…

A. «Jahlim yomonam chiqadi-ki».

B. «Zarda qilaman».

V. «Tushunishga harakat qilaman. O‘zim ham kimgadir ozor yetkazgan bo‘lishim mumkin-ku axir!»

G. «Uning holati his qilib, qiynalaman».

  1. Siz bilan munosabatlari sovuqlashgan insonning boshiga tashvish tushsa, xayolingizga qanday fikr keladi?

A. «Yomonlik jazosiz qolmaydi, deganlari shu-da!»

B. «Yaxshi ish bo‘lmapti».

V. «U bilan nimalar sodir bo‘lishining menga umuman qizig‘i yo‘q».

G. «Qaytar dunyo, nima ham derdim?!»

  1. Qalbingizga ozor yetkazganlarga qarata nima deysiz?

A. «Mening kunim boshingizga tushgandagina, qanchalik dilimni og‘ritganingizni tushunasiz».

B. «Umid qilamanki, bu xatoni ikkinchi takrorlamaysiz».

V. «Bir kun afsuslanasiz hali…»

G. «Ko‘rishga ko‘zim yo‘q!»

Javoblarni hisoblang

Natija

10-17 ball: «Kechirish?! Hech qachon!»

Siz uchun kimnidir avf etish juda mushkul masala. Yolvorib uzr so‘rashsa-da, kechirishingiz amrimahol. To‘g‘ri, jahlingiz chiqqanda asablaringizni jilovlab, odobli kishi qiyofasiga kirasiz. Ammo bu bilan bor g‘azabni ichga yutasiz va ikkinchi shu odam bilan duch kelmaslikni istaysiz. Ammo bu hayot, u tasodiflarga boy.

Masalahat: sizni ranjitishdimi, yaxshi so‘z bilan xafagarchilik sabablarini tushuntiring. Shunda vaqtida muammodan xalos bo‘lasiz va bor alamni ichingizga yutib, asrab yurmaysiz. Dilingizga ozor bergan kishi bilan aloqalarni ko‘zni chirt yumib uzib ketaversangiz, butunlay yolg‘izlanib qolishingiz xavfi bor, axir.

18-24 ball: qadamma-qadam

Dilozorlikdan avvaliga ruhan qiynalasiz. «Nega?» «Nahot?» kabi savollar ichida qolasiz. Keyin yaralarni davolashga kirishasiz. Bu yo‘lda dilozorga bor alamingizni to‘kib solishishingiz ham hech gapmas. Shu bosqichdan o‘tgachgina, xafagarchilikka sabab bo‘lgan voqeani xotirangizdan o‘chirib tashlab, munosabatlarda yangi sahifa ochasiz.

Maslahat: shu tarzda davom eting. Axir bu taktika sabab siz jafokashga nisbatan ko‘nglingizda gina saqlamaysiz va uni ayblashga kuch sarflamaysiz. Faqat hammasiga oydinlik kiritish bosqichida hissiyotga haddan ziyod berilmasangiz, bas.

25-31 ballgacha: «Men sizni kechirdim!»

Xuddiki qo‘ng‘iroq qilishganida, go‘shakni ko‘tarish lozimligi kabi uzr so‘rashsa, kechirish kerak! Ha, siz uchun bu qiyinchilik tug‘dirmaydi. Munosabatlardagi katta va kichik tushunmovchiliklar sizni osonlikcha chetlab o‘tadi: o‘ch olish, jahl qilish xayolingizga ham kelmaydi. Aksincha, dilozoringiz uchun o‘nlab sabab topasiz va hatto hamma aybni o‘z gardaningizga olasiz. Kechirimliligingiz — himoya vositangiz. Chunki yo‘qotishlarga yo‘q odamsiz. Buning ustiga yer yuzida pastkash odamlar yo‘qligiga ishongingiz keladi.

Maslahat: inson kechirimli bo‘lishi kerak, albatta! Ammo sizning ko‘ngli bo‘shligingizdan hadeb foydalanaverishlariga yo‘l qo‘ymang. Ayniqsa, tuyg‘ular haqida gap ketganda.

32-40 ballgacha: «Kechirmasdan ilojim qancha?»

Bir qarashda, kechirgandeksiz… ammo so‘z va amallar orasida chegara qurgansiz. Qanday deysizmi? Odob yuzasidan kechirasiz, chunki bu sizga bolalikdan tarbiya, jamiyatda qabul qilingan me’yorlar ta’sirida singdirilgan. To‘g‘ri yo‘l tutish borasida boshqalarga o‘rnak bo‘la olasiz, biroq harakatlaringizda nomutanosiblik bor: ich-ichingizdan sizni xafa qilgan isonning tanobini tortib qo‘yishni istaysiz.

Maslahat: aslida nimalarni his qilayapsiz? Shunga oydinlik kiriting. Ko‘nglingizdan kechayotganlarni sizni xafa qilgan kishiga ayta olmasangiz, kundaligingizga yozing. Unutmang, hech kim bilan majburan munosabat qurolmaysiz. O‘rtadagi jarlikning katta-kichikligiga qarab, bir qarorga keling.


Do‘stlaringizga ham ulashing

Tavsiya etiladi

30 ta eng ruhlantiruvchi hikmatli so’zlar

30 ta eng ruhlantiruvchi hikmatli so’zlar

«Muhim ahamiyatga ega bo’lgan nimaiki yaratilgan bo’lsa, albatta u kuchli tartib asosida tashkil etilgan». — Andrew Hendrixson«Vaqtingizni devorga urib, undan eshik paydo qilishga sarflamang». — Coco Chanel«Yaratuvchanlik – bu aqlan vaqtichog’lik qilishidir». — Albert Einstein«Optimizm muvaffaqiyat va baxtga boshqa har...
Kechki romantika – er va xotin yaqinlik munosabatlari nega sovub boradi?

Kechki romantika – er va xotin yaqinlik munosabatlari nega sovub boradi?

Suhbatlarda so‘rash xijolatli mavzu… Bugungi sirlashadigan mavzuyimiz - Er xotin munosabatlari sovushining sabablari va yechimi… Jinsiy aloqa haqidagi ko‘plab kitoblarda uni takomillashtirish yo‘llari ko‘rsatilgan. Aloqaning turlicha ko‘rinishi, har xil holatlar, aloqadan oldingi va keyingi vaziyat va hokazo. Ushbu maslahatlarni yig‘sa...
Qaysi temperament odamisiz? Aniqlaymiz

Qaysi temperament odamisiz? Aniqlaymiz

"TEMPERAMENT" Temperament insonning tug‘ma xususiyatlarini ifodalovchi jihatidir. Temperamentning 4 ta asosiy turi mavjud: SANGVINIK - kuchli, harakatchan, muvozanatlashgan.XOLERIK - kuchli, harakatchan, muvozanatsiz.FLEGMATIK - kuchli, sust, muvozanatli.MELANXOLIK - kuchsiz, muvozanatsiz, g‘amxo‘r. Qaysi temperamentga tegishli ekanligingizni tekishirib ko’ramiz. Quyidagi vaziyatni o’qib chiqib,...
Burjlar bo‘yicha mos juftliklar – Munajjimlar bashorati sizga mos juftlikni topishingizda yordam beradi

Burjlar bo‘yicha mos juftliklar – Munajjimlar bashorati sizga mos juftlikni topishingizda yordam beradi

Hut va Savr Hissiyotga beriluvchan Hutlarga aql bilan ish yurituvchi Savr to‘g‘ri yo‘l ko‘rsatib turadi. O‘z o‘rnida «savr» hamisha orzularga beriluvchi Hutni boshqara oladi. Mezon va Hamal Bu ikkisining dunyoqarashi deyarli bir hil. Barchaning e'tiborida bo‘lish, tashkiliy ishlarni do‘ndirish va...
Motivatsiya haqida tushuncha qaysi vaziyatda kerak bo‘lishi

Motivatsiya haqida tushuncha qaysi vaziyatda kerak bo‘lishi

Motivatsiya haqida tushuncha qaysi vaziyatda kerak bo‘lishi. Motiv (psixologiyada) - inson faoliyatida muayyan maqsadni bajarishga sabab bo‘luvchi omil, vaj. Motivatsiya shaxsni harakatga va faoliyatga undovchi, ehtiyojning yuksak shakli sifatida paydo bo‘luvchi ichki turtki hisoblanadi. Ehtiyoj va instinkt, mayl va hissiyot,...
Tug‘ilgan sanangiz siz haqqingizda so‘zlaydi

Tug‘ilgan sanangiz siz haqqingizda so‘zlaydi

Raqamlar yordamida inson xarakteri, uning qiziqishlari-yu taqdirini bashorat qiluvchi mutaxassislar har bir tavallud sanasining o‘z ta'biri borligi haqida ko‘p gapirishadi. Bundoq o‘ylab qarasangiz, ularning ta'rifu tavsifida jon bor! 1 raqami Oyning birinchi sanasida tug‘ilganlar ijodkortabiat, o‘z prinsiplarga sodiq, mustaqil fikrlovchi...
Kundalik munajjimlar bashorati

Kundalik munajjimlar bashorati

?Munajjimlar bashorati ⚡:ҚЎЙ (21. 03 — 20. 04) Бугун кўпроқ оилангизга эътибор қаратишингизга тўғри келади. Сабаби, рўзғорингизда муаммолар қалашиб кетган. Уйингиздагилар бу муаммоларни сизсиз бартараф эта олишмайди. Сизнинг ёрдамингиз уларга сув ва ҳаводек зарур. Ишхонадаги ишларни бажаришда пассивлик, бўшашиш, эътиборсизлик...
Qizlarga yoqadigan shirin va yoqimli gaplar ro‘yxati kerakmi?

Qizlarga yoqadigan shirin va yoqimli gaplar ro‘yxati kerakmi?

Qizlarga yoqadigan gaplar - chiroyli va shirin so‘zlarni amalda qo‘llash So‘zlar - odamlar o‘rtasidagi muloqotning asosiy usuli hisoblanadi. Ular o‘zlarida nafaqat ma’no, balki hissiy mazmun ham saqlaydi, shuning uchun ba’zi so‘zlar xafa qilsa, boshqalari esa, aksincha, jonlantiradi va kuch beradi....
«Mening xarakterim» nomli psixologik test!

«Mening xarakterim» nomli psixologik test!

Rasmdagi g'alati yuzlardan o'zingizga chiroyli ko'ringanini tanlab, xarakteringiz haqidagi ma'lumotlarni o'qing! TEST JAVOBLARI: 1-VARIANT: Siz juda baxtiyor insonsiz va har qanday muammoga qo'rqmasdan qarshi chiqasiz. Nimadir yoqmadimi? Yuziga ochiq aytasiz. Nimadir g'ashingizni keltirdimi? O'ylab o'tirmasdan yo'lingizdagi muammoni yo'q qilib tashlaysiz....
Sevgan insoningiz uchun muhabbat bu – …

Sevgan insoningiz uchun muhabbat bu – …

❤️Sevgan insoningiz uchun muhabbat nima ekaniga aniqlik kiritib olsangiz, munosabatlaringiz yanada mustahkamlanadi. Bunda sizga quyidagi shpargalka ko‘maklashadi. ♈️ Hamal uchun — hayajon; ♉️ Sarv uchun — qulaylik; ♊️ Javzo uchun — rag‘batlantirish, ba'zida esa mug‘ombirlik; ♋️ Saraton uchun — tarbiya,...

Fikr bildirish