O‘zingiz uchun yashang!
Hayot faqatgina er-xotin munosabatlarini yo‘lga solishu, ,ayrim qovog‘i ochilmaydigan beklarning ko‘nglini olish ilinjida yashashdan iborat emas! Buni ustiga erkaklarning ajoyib odati bor, ularga qanchalik yaqinlashsangiz, o‘zlarini shunchalik uzoqlashtirishadi. Aksini qilganingizda esa yaqinlashish payiga tushishadi. Hadeb «Erim menga e’tiborsiz» deyaverib tilingiz yorilay degan bo‘lsa, turmush tarzingizni o‘zgartirishning ayni payti. O‘zingizni biror mashg‘ulot bilan band qiling. To‘garaklarga yoziling, o‘z ustingizda ishlang, o‘rganing. Asosiysi biror nima bilan band bo‘ling. Ammo bu ishlarni zo‘rma – zo‘raki bajarmang. Chin dildan, quvnoq kayfiyatda bo‘lingki, sizni ko‘rib turmush o‘rtog‘ingiz rashk o‘tida yonib kul bo‘lsin. Axir unga e’tibor bermay qo‘yganingiz alam qiladi-da.
«Keling gaplashib olaylik…»
«Nega o‘zgarib qoldingiz?» erkaklarning jini suymaydigan iboralardan biri bu. Yana «Men bilan gaplashmayapsiz», «Men siz uchun hechkimmasman» kabi tanalar ham o‘rinsiz. Chunki eringiz o‘zini aybdor bilishni istamaydi. Buni ustiga soatlab ma’ruza o‘qisangiz ham xatosini tan olmaydi. Shunday ekan o‘zingizni qiynagandan nima naf? Umuman gapirmang demoqchimasmiz, suhbatlashing, ammo mavridini toping-da. Misol uchun birgalikda fil’m tomosha qilayotganda ilk uchrashuvingizni yodga olishingiz mumkin. Yoki uning eng birinchi sovg‘asini eslab, siz uchun qanchalik shodlik ulashganini aytib bering. «Siz» degan iddaodan qochib, «Biz» ni ko‘proq ishlatsangiz attang qilmaysiz.
Noshukr bo‘lmang!
Tashvishlarni aytib noliyverishingiz ham eringizni sizdan uzoqlashtiradi. Yo‘q, u muammolardan qochmaydi, faqatgina o‘zini ojiz sezishi mumkin. Bunday kayfiyatda esa romantikadan asar ham qolmaydi-da, yaqinlik borasidaku umuman indamadik. Bilasizmi erkaklar qanday ayollarni qadrlashadi, har so‘zida «Boringizga shukr» deganini. Xo‘sh, siz shundaymisiz?
Bir safar boshqacha bo‘lsin…
Turmush o‘rtog‘ingiz hatto nozik munosabatlarga ham ro‘yxushlik bermayaptimi, demak bir xillikdan zerikkan. Balkim yangicha yondashuvni sinab ko‘rarsiz. Misol uchun yarim tunda bo‘sa bilan yoringizni asta uyg‘oting. Bu ishni tongga yaqin bajarsangiz ham bo‘ladi. Harakatlaringizga qarshilik bildirishi mumkin, osongina taslim bo‘lmang-da. Tashabbus ko‘rsatingu, qolganini unga qo‘yib bering. Ehtimol shu tariqa bir – biringizga mehringiz ortar…
Fikr bildirish
Sharhlash uchun siz saytga kirishingiz lozim.