Hozirgi iqtisodiy sharoit odamlarni o‘z ish o‘rnida qolishi uchun majburlab ishlatmoqda. Bundan tashqari, ko‘pchilik hattoki, kuniga 12 soat bosh ko‘tarmay ishlaganidan g‘ururlanadi.
Biroq har bir ishning o‘z qarshi tomoni mavjud.
Annals of Internal Medicine jurnalida chop etilgan tadqiqotga ko‘ra, bir kunda 11 soatdan ortiq ishlaydigan kishilarda yurak kasalliklarining xavfi 67 foizdan ortiq bo‘ladi.
Boshqa olimlar 2000ga yaqin britaniyalik davlat ishchilarini tekshirishdi va kuniga 11 soatdan ortiq ishlaydigan kishilarda tushkunlikning zo‘rayishini aniqlashdi. Salomatlikdan tashqari, davomiy ish munosabatlar va shaxsiy hayotga ham salbiy ta’sir ko‘rsatadi.
Nima qilish zarur? Ishdagi barcha vazifalarga qanday qilib o‘z vaqtida ulgurish mumkin?
Uzoq davom etuvchi mehnat doim ham ijobiy natija beravermaydi.
Barchasi samaradorlikka bog‘liq. Ko‘p sonli zamonaviy tadqiqotlar shuni ko‘rsatadiki, mehnat va hordiqni unumli taqsimlash ko‘proq foyda beradi.
- Kuning eng muhim uch vazifasiga e’tibor qarating
Dunyoda yuz milliondan ortiq qog‘ozli, komp’yuterli, mobil’ va boshqa qator vazifalar ro‘yxati mavjud.
Har tong kunning eng muhim vazifalarini yozib olishga bir necha daqiqa ajrating. Keyin esa mana shu qisqa ruo‘yxatni bajarishga kirishing. Muhimi — mana shu uch vazifalar, qolgani esa imkon doirasi qadar. Bu oddiy, biroq kerakli odat samaradorlikni ahamiyatli darajada oshiradi.
- Har kuni 30 daqiqa davomida mashq
Barchamizga ma’lumki, jismoniy mashqlar salomatlik uchun foydali. Biroq jismoniy faoliyat miya uchun ham ijobiy ta’sir ko‘rsatishini bilasizmi?
Garvard tibbiyot maktabi psixiatri va “Uchqun: fanda miya va mashq qilish yangi inqilobi” nomli kitobning muallifi Jon Rateyning ma’lumotiga ko‘ra, jismoniy mashqlar nafaqat bizning mushaklarimizni sog‘lom qiladi, balki tushkunlikni ham kamaytirishga, o‘rganishni yaxshilashga va aniq fikrlashga yordam beradi.
- O‘z ishingizni barvaqt boshlang va o‘z vaqtida tugating
Ertalab sizni chalg‘ituvchi omillar kam bo‘ladi va kunlik ustuvor masalalaringizga diqqatingizni jamlay olasiz.
Unumdor bo‘lish uchun ham o‘z miyangizga yaxshi dam berishga harakat qiling va idoradan belgilangan vaqtda chiqing yoki monitor oldidan keting. Siz o‘zingizni nafaqat yaxshiroq his etasiz, balki keyingi kunni unumdorroq va quvvatga to‘laroq qarshi olasiz.
- Vaqt chegaralarini o‘rnating
Parkinson qonuniga ko‘ra, ish barcha vaqtni egallashga harakat qiladi. Agarda buvi o‘z nevarasiga bir yil davomida xat yoza olsa, unga bir yil vaqt sarflaydi. Agarda muharrir ushbu maqolani menga uch kun ichida yozishga vaqt bersa, shu uch kun ichida maqolani yozaman, o‘zgartiraman va mukamallashtiraman.
- 80\20 qoidasidan foydalaning
Juda ham muhim bo‘lgan faoliyatga o‘z diqqatingizni sarflang va qolgan narsalarga kamroq vaqt ajrating. Axir 20 foiz harakat 80 foiz natijani keltiradi.
- Bir vaqtda bir necha vazifalarni bajarishni to‘xtating
Bir vaqtda bir necha vazifalarni bajarish sizni unumdorroq qilmaydi.
Aslida, diqqatimizning bo‘linishi mehnat unumdorligiga, e’tiborni jamlashga va quvvatimizga salbiy ta’sir ko‘rsatadi. Shuning uchun, agarda siz unumdor ishchi bo‘lishni istasangiz, bir masalani bir urunishda bajarishga harakat qiling.
- Axborot parhezini amalga oshiring
Bugungi kunlarda ortiqcha axborot og‘irligi xuddi Saxroi Kabr markazida yurib, quyosh urishi kabi holatga o‘xshaydi.
Sizga chindan ham elektron pochtadagi barcha xabarlarni, bloglarni, gazetalarni, jurnallarni o‘qish zarurmi? Yoki televizor tomosha qilish, Facebook uchun ko‘p vaqt sarflash kerakmi?
Yaxshisi, bir haftaga bo‘lsa ham kerakmas axborotlardan uzoqroq bo‘lishga harakat qiling.
- Fikrlash uchun vaqt va joy ajrating
Ishingizga taaluqli bo‘lmagan masalalar uchun fikrlash kerak bo‘lgan maxsus joy va vaqt ajrating. Ishdan boshqa barcha narsani o‘ylang. Shunday joy ajratingki, hech kim va hech narsa sizga halaqit qila olmasin.
Agarda barcha bandlarni o‘qib chiqqan bo‘lsangiz, yuqoridagi qoidalarni tezda amalda qo‘llab ko‘rishni tavsiya qilamiz . Barcha qoidalarni birdan boshlashga harakat qilmang. Boshida ulardan birini tanlab, unga amal qilishga harakat qiling. Keyinroq esa, qolgan qoidalarga o‘ting. Eng muhimi, bo‘sh qolgan vaqtingizda o‘zingiz yoqtirgan ishni bajarishga harakat qiling.
Fikr bildirish
Sharhlash uchun siz saytga kirishingiz lozim.