Aslida XIX asr oxirlariga kelib, qon guruhi borasidagi tadqiqot va izlanishlar avj oldi.
1907-yili Chex olimi Ya. Yanskiy insonlarda to'rt xil qon guruhi mavjudligi, qon tarkibidagi oqsillarga aloqador tarzda kishilar xarakteri nasldan-naslga o'tishi to'g'risidagi ilmiy farazlarni e'lon qildi.
Shundan so'ng qon guruhlarini o'rganish bo'yicha izlanishlar avj olib ketdi.
O'tgan asrning 20-yillarida Yapon olimlari bu mavzuni davom ettirishdi.
1971-yilda Masaxiko Nomining
"Qon guruhingiz qanday bo'lsa, siz shundaysiz" nomli kitobi 1 million 200 ming nusxada bosilib chiqdi.
Unda olimning 25 yillik tadqiqotlarini natijalari bayon etilgan edi.
Xullas, bugungi kunda ham Yaponlar kishining qon guruhi ko'p narsani hal etishiga ishonadilar.
Hatto ba'zi korxona va tashkilotlar ishga kiruvchilardan qon guruhi to'g'risidagi ma'lumotnomalarni ham talab etishadi.
Gapni muxtasar qilib, mutaxassislar ta'kidlagan qon guruhlariga aloqador tasnifga murojaat etamiz:
I guruh (yoki nolinchi):
Kuchli iroda sohibi, maqsadga intiluvchan, hukm o’tkazishga moyil kishilar guruhi.
Bu guruhdagilar moliyaviy jihatdan ancha baquvvat hisoblanishadi.
Shunga qaramay, ularning ayb va nuqsonlarini betiga aytish xavfli:
tez jahli chiqib, janjallashgacha borishadi.
II guruh (yoki A):
Tomirlarida bu guruhdagi qon oquvchilar tartib-intizomni xush ko’radi.
Mehnatsevarlik va bosiqlik ham ularga xos.
O’ta qasoskor bo’lib, oradan ancha vaqt o’tishiga qaramay, albatta, o’ch olishga intilishadi.
Ajoyib tashqi ko’rinish, mehribonlik va nafosat ularni bir qadar yuqoriga olib chiqishi kuzatiladi.
Aytgancha, bu qon guruhidagilardan ko’p hollarda iste’dodli shoir-yozuvchilar, aktyor va xonandalar yetishib chiqadi.
III guruh (yoki B):
Qiziqqonlik va bo’ysunmaslik, ijodkorlik va yaratuvchanlik guruhi.
Bu guruhdagilarni «g’oyalar generatori» deb atash mumkin.
E’tiborlilik, tiyiqsizlik va o’zgaruvchanlik ham ularning xususiyati.
III guruhdagi qon egalari tartib-qoidalarni yoqtirishmaydi, jamoadan ajralishni xush ko’rishadi.
Ular ajoyib oshpaz!
Shundanmi, Yaponiyada bosh oshpazlikka ko’pincha ana shu guruhdagilarni tanlab olishadi.
IV guruh (yoki AB):
Ajoyib rahbarlik, tashkilotchilik timsoli.
«MUNOSABATLAR USTASI» deyish mumkin.
Bunday qonga ega insonlar kuchli ichki sezgi (intuitsiya) sohibidir:
ko’pincha ektrasenslar, bashoratchilar shu guruhda.
«AB»lar o’zlari istamagan ishni bajarishni yomon ko’rishadi.
Shu bilan birga, hayotsevar bo’lib, hashamat va go’zallikni xush ko’rishadi.
Aytish kerakki, ular «Ko’ngil kishilari» ham:
bor boyligini kimgadir tuhfa qilish, ko’z ko’rib-quloq eshitmagan tarzda qasos olish, o’z joniga qasd qilish kabilar faqat ularga xos.
Umuman, qon guruhi qanday bo’lishidan qat’iy nazar, inson umrining qadriga yetuvchi, vatanparvar, insonparvar, samimiy bo’lganiga nima yetsin?!
Asosiysi esa – salomatlik va tani sihatlik.
Fikr bildirish
Sharhlash uchun siz saytga kirishingiz lozim.