KECHKI ROMANTIKA – AYOLLARNING SEVGI MUNOSABATLARIGA HOHISHI YO'QOLISHINING SABABLARI

1. XAFALIK XISSI
   – Ayolning xissiyotlari jinsiy hayoti bilan uzviy bog‘liq. Agar turmush o‘rtog‘i uni amalda xafa qilgan bo‘lsa, bu darrov yaqinlikda aks etadi. Bordi-yu, xafalik juda kuchli va pinhon (aytilmagan) bo‘lsa, ayol umuman eridan sovishi mumkin.
   Foto: hafa bo‘lib turgan ayol
2. MUAMMOLAR TA’SIRI
   – Ishda yoki uyda paydo bo‘lgan muammo erkak nazdida arzimas holatdek tuyuladi. Ammo ayol uchun buning aksi. hatto, jinsiy xohishning yo‘qolishiga sabab bo‘lishi ham hech gap emas. Ishdagi nizoli holat, farzandining maktabdagi sho‘xliklari, qaynona bilan bo‘lgan ziddiyatlar uni ruhiy tushkunlik holatiga tushiradi. Yurakka qil sig‘may turgan bir paytda ayol yaqinlik haqida o‘ylay oladimi?
3. TOLIQISh
   – E’tibor bering, ayol ham, erkak ham kun davomida baravar ishlaydi. Ammo uyga kelgach, bu tenglikka barham beriladi. Erkak charchaganini pesh qilib, yonboshlab olsa, ayol uy ishlari, onalik vazifalarini uddalashga kirishadi. Shuning uchun kechga borib, uning yagona istagi boshini yostiqqa qo‘yib, uxlash bo‘ladi.Erkak har qanday ziddiyatli vaziyatda ham yaqinlikni talab qilishi mumkin. Lekin ayolning kayfiyati yaxshi, o‘zi esa eridan mamnun bo‘lishi kerak. Erkak-ayol organizmining o‘ziga xosligi ham shunda.
4. ERINI JAZOLASh
   – Ba’zida ayol juftidan azbaroyi og‘ringanidan ham eri bilan yaqinlikni istamaydi. Bunga erning xiyonati sabab bo‘lishi ham mumkin. Uning ko‘zida erkak shafqatsiz mahluqqa aylanadi. Erini kechirish yoki kechirmaslik ayolning o‘ziga havola. Bir narsa aniq-ki, buning uchun ayolga vaqt kerak.
5. OG‘RIQ
   – Ba’zan ayol jinsiy yaqinlik paytida og‘riq sezadi. Bunga qin sohasining kichikligi yoki qinda yallig‘lanishlar sabab bo‘ladi. Ko‘pchilik ayollar bu haqida umr yo‘ldoshiga ochiq aytisholmaydi. Ba’zan esa erkakning o‘zi ham jiddiy e’tibor qilmaydi. Natijada ayolning ongida yaqinlikka qarshi: og‘riq –shikastlanish-qoniqmaslik hissi paydo bo‘ladi. Bunga qarshi u rozi bo‘lmaslikni qalqon qilib oladi.
6. ERTA KLIMAKS
   – Tez-tez asabiylashadigan, ruhiy beqaror, hamma muammolarni ko‘ngliga yaqin oladigan ayollarda klimaks davri odatdagidan ancha erta, misol uchun 35-40 yosh atrofida boshlanishi mumkin. Bu esa nafaqat ayol, balki erkak uchun ham sinovdir. Bunday paytda ayol eridan butkul sovishi, uni istamay qolishi va bu to‘g‘risida qo‘rqmay gapira olishi mumkin.

«KEL, GAPLAShIB OLAMIZ…»
– Jinsiy hayotingizda yuzaga kelgan vaziyatni eringiz bilan suhbatlashishdan cho‘chimang. Gap orasida siz ham bezovta ekaningizni qistirib o‘ting. Bu erkakning sizdan xafa bo‘lmasligi uchun muhimdir.
– Erkak ham o‘z o‘rnida ayolning yaqinlikdan qoniqishi, uni xursand bo‘lishini so‘rashi va shunga yarasha muomala qilishi kerak. Chunki ayolning u uchun qadrli va sevimli ekanini bilishning o‘zi ikki tomon uchun ishonch ko‘prigidek gapdir.
– Ba’zan buning uchun bir suhbatning o‘zi yetarli bo‘lmaydi. Bunday paytda er-xotinga shifokor-androlog, seksopatolog maslahati asqotishi mumkin.

ShIFOKOR MASLAІATI
Jinsiy yaqinlikni istamaslik holatida muammoning asl sababi aniqlanib, so‘ng zarur choralar qo‘llanilishi to‘g‘ri bo‘ladi. Misol uchun:
❤️agar ayolning salomatligida biron-bir muammo bo‘lsa, vaqtni paysalga solmay, shifokorga birgalikda borish kerak. Albatta, davolanish paytida yaqinlik haqida gap bo‘lishi mumkin emas. Bunday paytda ayolni asrab-avaylash, kerak bo‘lsa, parvarish qilishdan ham erkak uyalmasligi lozim.
❤️jinsiy hayotga biron-bir yangilik kiritish lozim. Bu munosabatlarni yangilanishiga, ayolning yaqinlikka boshqacha yondashishiga yordam beradi. Misol uchun, ayollar yaqinlikdan oldingi erkalashni yoqtirishadi. Erkakning sezgirligi bu borada ancha qo‘l qelishi mumkin. Lekin ayol ham bu paytda unga nima yoqayotganini, nimadan esa beziganini uyalmasdan aytishi kerak.

ERKAKLARGA AYTAR SO‘ZIMIZ
❤️Ayolning hech qanday muammosi yo‘q, ammo yaqinlikdan bosh tortmoqda. Bu vaziyatda erkak bor mahoratini ishga solib, munosabatlarga romantikani kiritishi lozim. Lekin buni did bilan amalga oshirishi darkor. Misol uchun, ayolni biron bir ko‘ngilochar maskanga taklif qilish, birgalikda kechki sayr, bir-biriga yoqimli bo‘lgan so‘zlar (erkalash)ni ishlatish ishonch xissini paydo qiladi.
❤️Tashqi ko‘rinishingizni o‘zgartiring, yangi atir, sochlar taralishi, yangi libosda ko‘rinishni unutmang. Ayolingiz sizni yangi obrazda ko‘rishi unga xush yoqadi, hech bo‘lmasa hayron bo‘lish, undan keyin esa qiziqish hissi paydo bo‘ladi. Eriga astoydil qiziqqan ayol esa yaqinlikdan bosh tortmasligi aniq.