Bu dunyoda turli tabiatdagi insonlar bo‘lgani kabi, ularning hayotdagi maqsad va vazifalari ham turfa xil. Kimdir yaxshi ishda ishlab, yuqori pog‘onalarni qo‘lga kiritishni istasa, yana kimdir oilasidan baxt topib, yaqinlari atrofida bo‘lishni orzu qiladi. Xo‘sh, sizchi? Sizning hayotdagi maqsadingiz qanday? Siz uchun tayyorlab qo‘ygan savollarimizga javob bering va ezgu maqsad sari olg‘a intiling.
- Bolalikda nimalarga qiziqqansiz?
Beg‘ubor damlaringizda qaysi mashg‘ulotlarni bajarganingizda dildan quvonganingizni eslab ko‘ring. Katta bo‘lgan bo‘lsangiz-da, bolalikda sizga zavq ulashgan qiziqishlarni bajarishdan voz kechmang.
To‘g‘ri, ulg‘ayganingiz sari yangi talablar, mas’uliyat hissi ortib, sizni o‘rab turgan muhit xam o‘zgarib boradi, rejadagi ishlar uchun vaqt yetmay qoladi, ammo shunday bo‘lsa-da, o‘sha davr qadr-qimmatini aslo yodingizdan chiqarmang.
Bolalikda xobbingiz nima bo‘lgan? Hozir xam ushbu qiziqishlarni davom ettiryapsizmi? Agar yo‘q bo‘lsa, “Nega?” degan savolni o‘z–o‘zingizga berib ko‘ring.
- Bo‘sh vaqtingizni nimalarga sarflaysiz?
Tasavvur qiling, bir kun sizga umuman bo‘sh vaqt berildi. Xo‘sh, bunday vaziyatda vaqtingizni qanday o‘tkazasiz? “Albatta, uyda”, deguvchilarga so‘zimiz bitta – uy ishlaridan ham ozodsiz! Qaerga borishni, kimlar bilan ko‘rishishni istar edingiz? Kimdir faqat tabiat qo‘ynida sayr etishni, yana kimdir esa poygada qatnashishni rejalashtiradi. Siz ham xuddi shu kabi bir necha variantlarni qog‘ozga tushiring va kelgusi dam olish kunida aynan mana shu ro‘yxat asnosida maroqli hordiq chiqaring.
- Sizni o‘rab turgan barcha insonlar va butun dunyo yodingizdan chiqishi uchun nimalar kerak?
Tasavvur qiling, biror vazifa bilan shunchalar mashg‘ul bo‘lasizki, xammani yoddan chiqarasiz, hatto vaqtga ham bo‘ysunmay qolasiz, uni tamoman unutasiz. Soatlar ketidan soatlar o‘tganiga e’tibor ham qilmaysiz. O‘z ishini oxiriga yetkazmagunga qadar tushlik, kechki ovqatni tanovul qilishga ham hojat qolmaydi. Sizda ham xuddi shunday bo‘lganmi? Agar bo‘lsa, oxirgi marta qachon shu holatni boshdan o‘tkazdingiz, shu haqda o‘ylab ko‘ring…
- Yuragingizga eng yaqini nima?
Qaysi kitoblarni mutolaa qilishni yoki qaysi ko‘rsatuvni tomosha qilishni yaxshi ko‘rasiz? Siz uchun qanday fil’m qiziq va qanday yangiliklarni tinglashni istaysiz? Yoki barchasidan ham ko‘ra do‘stlaringiz bilan suhbatlashish zavqliroqmi? Qanday holatlar sizni umuman o‘ziga jalb etib, uni bajarishga sizni undaydi? Yaxshilab o‘ylab ko‘ring, ishoning, natija sizni, albatta, hayron qoldiradi.
- Yaqinlar va do‘stlar bilan qaysi mavzuda ko‘proq suhbatlashasiz?
Odatda yaqinlaring bilan bo‘ladigan suhbatning barchasi muhim va qiziqarli bo‘ladi. Ammo doimiy suhbat mavzusi qanday? Hech e’tibor berganmisiz? Yoki do‘stlaringiz ko‘proq qanday holatlarda sizdan maslahat va yordam so‘rashadi? Esladingizmi? Demak siz ular uchun keraksiz. Bu borada yana ko‘p narsalarni xotirlasa bo‘ladi…
- Hayot daftaringizda qilishingiz kerak bo‘lgan qanday yumushlar sizni kutib turibdi?
Umringiz davomida qilishinigiz kerak bo‘lgan ishlaringizni hech bo‘lmaganda hayollaringizda rejalashtirib qo‘yganingizga shubhamiz yo‘q. Ammo maslahatimiz, o‘sha ishlarni birma-bir qog‘ozga tushiring va uning uchun zaruriy narsalarni tayyorlab boring. Buni hayotiy maqsadga aylantiring. Qarabsizki, eng muhimlari oldingi qatorga qanday o‘tib qolganini bilmay qolasiz…
- Ko‘nglingizdagi orzuni amalga oshirsa bo‘ladimi?
Juda ko‘p insonlar boshqalar kabi tinmay orzu qiladi, ammo unga erishish yo‘lidagi qiyinchiliklardan cho‘chib, darrov undan voz kechishadi. Siz esa hamisha orzuingizga intilib yashang, uning ijrosiga ishoning. “Hammasi bekor”, degan fikrni miyangizdan chiqarib tashang…
Hayotda o‘z o‘rninggizga ega bo‘ling, muhimi shu… Barcha salbiy qarashlarni unuting. Maqsadingiz sari olg‘a qadam tashlang, harakatdan sira to‘xtamang… Shunda intilishlaringiz o‘z samarasini, albatta, beradi…
Fikr bildirish
Sharhlash uchun siz saytga kirishingiz lozim.