ISH BERUVCHILAR REZYUMEDA NIMALARGA E'TIBOR BERISHADI?

Ishga joylashayotgan odamlarning rezyumelarida ish beruvchilar nimalarag e’tibor berishadi? Quyida shu haqda fikrlashamiz.

Rezyumeda nimalarga e’tibor berishadi?

1. Oxirgi ish joyi. Ish beruvchilar eng avvalo odamning oxirgi ish joyiga e’tibor berishadi. U o‘z xohishi bilan ketganmi yoki ishdan bo‘shatishganmi? Qanchalik uzoq ishlagan? Qanday vazifalarni bajargan? Bu savollarga javob olish juda muhim.
2. Kompaniyaning mashhurligi. Odamning qanchalik mohirligini ilgari ishlagan kompaniyasining nomidan bilib olish ancha oson. Avvalgi ish joyi qatorida mashhur kompaniyaning nomi tursa, ish beruvchi ishga kirmoqchi bo‘lgan kishi haqida yaxshiroq xayolga boradi.
3. Umumiy tajriba. Ishda ko‘tarilganmi? Vazifalari murakkablashib borganmi? Egallangan lavozimning nomi bajariladigan ishga qanchalik mos?
4. Kalit so‘zlarga qarab izlash. Agar kompaniyaga dasturchi kerak bo‘lsa, ish qidirayotgan odamning biznes-loyihalar boshqaruvida qanchalik mohirligining ahamiyati yo‘q. Bu holatda Ctrl + F ni bosib, rezyumedagi kalit so‘zlarni qidirish ish beruvchilarga yordam beradi.
5. Uzilishlar. Albatta, katta uzilishlar hammada bo‘lishi mumkin. Biroq bu odam shuncha vaqt ichida nima ish qilgan degan savol tug‘iladi. Uch yil ishlaganmi? Juda soz, lekin buning sababini bilish kerak. Bola boqqanmi? O‘z ishini yo‘lga qo‘yishga uringanmi? Bu haqda rezyumeda ma’lumot berilishi kerak.
6. Tarmoqda bo‘lish. Ish beruvchilar hozir ishga nomzodlarni ijtimoiy tarmoqlardan izlaydigan bo‘lishgan. “Twitter”, “Facebook” — bular odam haqida rezyumedan ko‘ra ko‘proq ma’lumot bera oladi. Shunday ekan, ishga kirishni istasangiz, ijtimoiy tarmoqlardagi profilingizning xolisligi haqida o‘ylab ko‘rishingiz kerak.
7. Rezyumening tuzilishi. Xatolar, uzunligi, aniqlik va tushunarlilik.

Ko‘pincha nimalarga e’tibor berishmaydi

1. Ma’lumot. Eng avvalo — tajriba.
2. Rezyumedagi burma hoshiyachalar. Kimlargadir chiroyli va yangicha bezalgan rezyume yoqadi, lekin ko‘pchilik rekruterlar rezyumeni maxsus dasturlardan o‘tkazib, matnning o‘zini qoldirishadi. Shuning uchun PDF formatda oddiy rezyume jo‘natgan ma’qul. Balki, rekruterga sizning “ijodingiz” ma’qul bo‘lmas.
3. Shaxsiy ma’lumot. Oilaviy sharoit, farzandlarning bor yoki yo‘qligi, kasalliklar, suratlar — bularning barchasiga ish beruvchilar odatda ahamiyat berishmaydi.

Nima qilmaslik kerak

1. Rezyume uchun MS Word shablonlaridan foydalanish.
2. Rezyumeni birinchi shaxs nomidan yozish. Agar bunga nihoyatda ijodiy yondashmasangiz.
3. Rezyumeni ko‘p sahifalarga cho‘zib yuborish. Uzog‘i bilan bir-ikki sahifa yetadi.
4. Yolg‘on gapirish.

Bu maslahatlarning bari mukammal emas, axir hamma ish beruvchilar farq qiladi. Biroq bular sizga asosiy xatolardan qochishga va, ehtimol, istagan ishingizga kirishingizga yordam beradi.