ERNI AYTGANIMIZGA KO'NDIRISH OPIRATSIYASI, YOXUD Xatolar ustida ishlaymiz

— Dadasi shkafning eshigini qachon tuzatasiz?
— Ilhom kelganda.
— Ilhomingiz o‘lgur qachon keladi? Ikki oydan beri burchakda turgan shkaf eshigi ildiz otib pastki qavatdagi qo‘shninikiga tushib bo‘ldi-ku!
Bu kabi bahslar hech qaysi ayolga begona bo‘lmasa kerak. Ammo erkak kishi u yoki bu yumushni bajarishda istagingiz bilan nima uchun hisoblashmasligi haqida hech o‘ylab ko‘rganmisiz? Xatolar ustida ishlash jarayonida vaziyatlarni o‘rganib, masala biz — ayollar o‘ylagan oddiy dangasalikdan ancha chuqurroq ekanligini tushundim. Keling, erkaklarni aytganimizni qilishga ko‘ndirish operatsiyasini o‘rganamiz…

Odatiy hol
Erkak kishining uyni jihozlash yoki ta’mirlash jarayonida ayolga “o‘zing tanlay qol…” deb qutulib qo‘ya qolishi hech kimga sir emas. Bu borada qarorni o‘zingiz qabul qilsangiz, uning tanqidiga uchrashingiz turgan gap. “Bu yerga shkaf sig‘adi deb o‘ylaysanmi? Sig‘maydi dedim vassalom… E-e-e bor-e, bilganingni qil”. Lablarimiz cho‘chchayadi. Nima uchun erkak oilada o‘zini katta xo‘jayindek tutadi, muhim qarorlarni esa men qabul qilishim kerak?
Muammo nimada? Uyni jihozlash erkak fe’liga xos unsur emas. Erkak va ayollar o‘rtasida o‘tkazilgan so‘rovnoma natijalariga ko‘ra uy jihozlarini almashtirish istagi juftliklarda har yetti yilda paydo bo‘lar ekan. Jufti yo‘q erkaklarda bu istak hech qachon paydo bo‘lmas emish.
«Dugonajonlar, keling, sirlashamiz». Uyni ta’mirlash yoki jihozlash haqida gapirayotib ortiqcha hissiyotga berilmang. “Mehmonxonamning devoridagi gulqog‘oz mana bu rangda bo‘lmasa hushimdan ketishim aniq” deguncha aniq dalillarni keltirib gapirishga harakat qiling. “Bu xonaga och rangdagi gulqog‘oz yopishtirilsa, xona ko‘rinishi ancha kengayadi” kabi dalillar natijasini tezroq ko‘rsatadi. Agar uy jihozidagi barchasini mustaqil ravishda tanlamoqchi bo‘lsangiz, erkak kishiga bir-biridan deyarli farq qilmaydigan 2-3 ta variant bering. Bunda uni faollashtirish bilan bir qatorda tomonlar bir-biridan xafa bo‘lmasligiga ham erishasiz.

Ikkinchi odatiy hol
“Shoshmang, sal sekinroq, yana o‘ngroqqa suring, ha, mana bunisi boshqa gap, xuddi shunaqa bo‘lsin”. Shu payt ishdan ertaroq qaytgan turmush o‘rtog‘ingiz ostona hatlaydi. Uyida esa rafiqasi begona erkak bilan! Chaqirtirilgan usta bir qo‘lida bolg‘a, boshqasida mix, uch oy avval uzilib tushgan shkaf eshigini joyiga ilyapti. Sizningcha, bu vaziyatning hecham yomon tomoni yo‘q. Biroq turmush o‘rtog‘ingizning fikri boshqacha.
Muammo nimada? Ustaning bu uyda yashovchi erkak, ya’ni eringizning ruxsatisiz paydo bo‘lishi haqoratdek gap. Bu bilan nima demoqchi edingiz? Bittagina mixni o‘zi qoqishni eplay olmaydi deganimi bu? Іayron bo‘lmang, u xuddi shunday tushunadi bu holatni. Chunki uydagi erkaklarbop ishni begona odamga yuklash uning haqiqiy erkak kishi ekaniga shubha qilish bilan barobar.
Yo‘li juda oson. Іammaga ham xatolarni tuzatish imkonini berish kerak. Єachon va nimani tuzatish kerakligini aytganda talaffuz va ovozingizdagi ma’nodorlik kesatiqqa o‘tmaganligini nazorat qiling. Ish bitganida esa uddaburon eringizni keragidan ortiqroq maqtab yuborishdan cho‘chimang. “Axir bu juda qiyin ish-ku, qanday uddaladingiz?” Modomiki, ustaning qo‘lisiz bitmaydigan ish ekan, turmush o‘rtog‘ingizga u qo‘li gul bo‘lsa-da, kuchi va vaqtini ayagashingizni, shu sababli ustaga murojaat qilishga majbur ekanligingizni tushuntiring.