Hech narsaga ulgurmayapsizmi? Ishingizni muddatida tugata olmay qolyapsizmi? Unda vaqtni boshqarish va qimmatli daqiqalarni zoe ketmaslikning 10 usulini o‘zlashtirib oling.
- ⏰Vaqtni g‘amlab qo‘ying. Necha bor kutilmagan vaziyatlar sizning rejalaringizga xalal berdi-ya! Mas’uliyatsiz hamkasblar, yo‘ldagi tiqilinch yoki axborot tanqisligi har qanday jarayonning olg‘a siljishiga to‘siq bo‘ladi. Bundan vaziyatni yo‘qqa chiqarish uchun ko‘zlagan ishlaringiz uchun 60 foiz vaqtni mo‘ljallang, qolgan 40 foizi esa zaxirada qolsin. Shunda har qanday holatda ham barchasiga ulgurasiz.
- ⏰Ulgurolmaslik sabablarini aniqlang. Siz vaqtni his qila bilasizmi? Tajriba o‘tkazib ko‘ring: bir kunni soatga qaramasdan o‘tkazing, soat nechaligi haqidagi savollarga taxminan javob berishga harakat qiling. Noto‘g‘ri javoblar sonidan hayratlandingizmi? Mashq qiling! Kundan kunga siz vaqt oraliqlarini to‘g‘ri topa boshlaysiz. Vaqtni to‘g‘ri taqsimlash va rejalar tuzishda organayzer, budil’nik, taymer kabilardan foydalaning.
- ⏰Rejissyor Rebekka Millerning “Pippi Lining shaxsiy hayoti” fil’mini tomosha qiling. Syujetga ko‘ra, namunali xotin va mehribon ona o‘rta yosh inqirozi bilan boshqacha tarzda kurashmoqchi bo‘ladi. U o‘zini xuddi yoshlik-beboshlik paytidagidek tuta boshlaydi: sarguzashtlar, sho‘xliklar, quvnoq davralar. Xo‘sh, u buning uddasidan chiqadimi? Ayollarbop fil’m. Rollarda: Robin Rayt Penn, Kianu Rivz, Vaynona Rayder, Julianna Mur, Monika Belluchchi.
- ⏰Bioritmlarga ko‘ra yashang. Organizmda hammasi daqiqalar bo‘yicha yillarga taqsimlangan. Siz ichki soatlar – bioritmlarga ko‘ra yashang, shunda hammasiga ulgurasiz. Soat 7-8 da turing, 9-12 qizg‘in ish payti, 13-14 tushlik, 15-17 – soat 16 da qahva ichish uchun kichik tanaffus bilan ish vaqti, soat 18 – sportga bag‘ishlanadi. 19 – asab tizimini dam oldirish vaqti, 20 – kosmetik muolajalarga kirishing. 21-22 – organizm quvvatni tejash tartibiga o‘tadi. 23 – uyquga!
- ⏰Ovqat tayyorlashda tezkorlik. Oshxonaningizda vaqtni tejovchi texnikalar bo‘lgani yaxshi. Oshxona buyumlaringiz qulay, tez harakat qilishga moslashgan bo‘lsin. Shunda siz oshxonada uzoq vaqt yo‘kotmaysiz.
- ⏰O‘zingizga qarashga shoshiling. Ilgari bu muolajalarga ko‘p vaqt sarflansa, hozirgi kosmetika vositalari hammasini 8 daqiqada uddalash imkonini beradi. Tezda natija beradigan vositalarni tanlang: bu vanna uchun yog‘, sochlar uchun sprey, yuzni namlantirib, silliqlashtiradigan kremlar.
- ⏰O‘zingizga taym-menejer bo‘ling. Ishda natijaga erishish uchun o‘rtacha hisobda 1/5 ish vaqti sarflanadi. Qolgan vaqtlar esa faoolik tuzog‘i: telefon qo‘ng‘iroqlari, elektron pochta va hamkasblar bilan norasmiy muloqot, bularning bari ishlab chiqarish jarayonini sustlashtiradi. Eng yaxshi usul – telefon qo‘ng‘iroqlari uchun kunning ma’lum bir vaqtini ajrating va kimlarga sim qoqmoqchi bo‘lsangiz, o‘sha vaqtda birdaniga gaplashib oling. Pochtangizni kuniga 3-4 martadan ortiq tekshirmang. Xatlarga tezda ko‘z yugurtirib, eng zarurlariga javob yozing. Qolganiga keyin vaqt ajratasiz. Hamkasblar bilan esa ishdan so‘ng yoki tushki tanaffus payti suhbatlashsangiz ham bo‘ladi.
- ⏰Tejamkorlik kunini nishonlang. Bu bayram yangilik emas, u 11 yildan buyon nishonlanadi va 31 oktyabrga to‘g‘ri keladi. Bayramni bank xodimlari nishonlashni taklif qilishgan. Lekin tashkilotchilarning g‘oyasiga ko‘ra bu faqat pulni tejashga qaratilgan emas, balki vaqtning tejashga asoslangan. “Vaqt – bu pul” degan so‘z avvalgidek aktual hisoblanadi.
- ⏰Orzularingizdan voz kechmang. Orzular og‘ushida yurarkansiz, har doim uning yaqinligi, tez orada barcha niyatlaringizga yetishingiz haqida o‘ylang. Xayol surishga vaqt ajratganingizda albatta bir dona shokolad iste’mol qiling. Bu orzularga oshno qilib, kayfiyatni ko‘tarinki bo‘lishiga yordam beradi.
10⏰. Qad-qomat uchun yarim soat. Qad-qomatni chiroyli saqlab turish uchun kuniga yarim soat vaqt sarflashingiz kifoya. Bu kam emasmi demoqchimisiz? Yo‘q, yetarli, faqat bu muntazam bo‘lishi kerak. Har kuni yarim soatdan bir haftda 3,5 soatingizni shu uchun sarflagan bo‘lasiz.
Fikr bildirish
Sharhlash uchun siz saytga kirishingiz lozim.