Biznes va psixologiya

Karlos Slim falsafasi

–  Dunyoning eng boy shaxslaridan biri bo‘lgan meksikalik milliarder Karlos Slim biznes, insoniylik, ezgulik haqida shunday deydi:

– Biznesmen faqatgina biznes bilan cheklanib qolmasligi lozim. Hayot sizga o‘qib-o‘rganish, his qilish, mazmunli umr kechirish uchun juda ko‘p imkoniyatlarni taklif etadi.

– Menimcha, ishbilarmon-tadbirkorlar manbalardan foydalanish va boshqarishda boshqalarga nisbatan ko‘proq tajribaga ega.

– O‘zgalarning fikri bilan yashaydigan inson inson emas.

– Siz kelajakni ko‘ra olishingiz kerak, buning uchun esa o‘tmishni yaxshi bilish lozim.

– Imkon boricha katta xatolarga yo‘l qo‘ymang.

– Biznesda egiluvchan bo‘lish shart.

– Har qanday biznesda 15-16 soatlab ishlash shart emas, aks holda o‘zingiz, oilangiz va farzandlaringiz uchun vaqtingiz qolmaydi.

– Biznesmen – o‘zi vaqtinchalik boshqarishi mumkin bo‘lgan boylikni yaratuvchidir.

– Xususiy sektor odamlarni qo‘llab-quvvatlashi darkor, lekin pul bilan emas, ish bilan.

– Eng yaxshi sarmoya, bu yangi ish o‘rni yaratish. Kam ta’minlangan insonlarni zamonaviy bozor iqtisodiyotiga jalb etish.

– Mehnat nafaqat ijtimoiy mas’uliyat, balki ma’naviy ehtiyoj hamdir.

– Baxtga erishish yo‘li o‘z qadringizni bilishingizdan boshlanadi.

– Doimo yaxshilikni o‘ylash o‘z mevasini beradi.

– Men hali ham so‘rashdan, o‘rganishdan to‘xtamayman.

– Boylikka ega bo‘lish va uni behuda narsalarga sarflash telbalikdir. Hayotingiz davomida boyligingizni yaxshilik yo‘lida sarflang.

– Biznes rohatlanish degani emas. Biznes mehnat degani.

– Omad ishlab topgan pulingiz, shaxsiy kompaniyangiz emas. Omad – sizning hayotingiz. Omad – oilangiz, do‘stlaringiz. Shu jihatdan olib qaraganda, men o‘zimni judayam omadli deb hisoblayman.