Baxtli Nikohning Sirlari

1. Baxtni ortga surmang

Biz ko‘pincha oilaviy baxt yangi uy yoki mashina sotib olish, yaxshi ishga kirish yoki qo‘shimcha ta’lim olish orqali kirib keladi, deb o‘ylaymiz. Bu esa noto‘g‘ri. Ayni damda sizda bor narsalar bilan ham baxtli bo‘lishning ilojisi bor.

2. Shukur qiling va bu haqda turmush o‘rtog‘ingizga ko‘proq gapiring

Shukur qilish baxt keltiradi. Eng oddiy narsalardan ham shukur qilish uchun sabab toping. Asosiysi, bu haqda gapirishni unutmang. “Rahmat” degan sehrli so‘z haqiqatdan ham mo‘’jiza yaratadi va bu so‘zdan tez-tez foydalanish kerak. “Men uchun, qilayotgan ishlaring uchun rahmat”, “Jo‘mrakni tuzatib berganingiz uchun rahmat”, “Yoqimli bo‘lganing uchun rahmat”, “Mazali ovqat uchun rahmat” — bularni aytish uchun sabab qidiring va siz uni, albatta, topasiz.

3. Bir-biringizga ishoning

Rashk tufayli azoblanayotgan nikoh uzoqqa bormaydi. Turmush o‘rtog‘ingizga ishoning va uning ishonchini yo‘qotmaslikka harakat qiling.

4. Janjallardan qoching

Arzimagan narsalar uchun janjal qilish nikohni parokanda qiladi. Janjal yaqinlashayotganini sezsangiz – o‘zingizni bosing, boshqa narsalar bilan chalg‘ishga harakat qiling. His-tuyg‘ularingiz biroz tinchlangach esa, xotirjam gaplashishingiz mumkin.

5. O‘z sevgingizni jismoniy ravishda namoyon qiling

Bir-biringizga tegining, quchoqlashing, qo‘l ushlashib yuring. Sog‘lom jinsiy munosabatlar judayam muhimdir, ammo, faqat shu narsalar bilan ovora bo‘lib qolish ham kerak emas. Hamma narsaning me’yorda bo‘lgani ma’qul. Aks holda bu narsa romantik sevgini va yashirin yaqinlikdagi tabiiy go‘zallikni buzadi.

6. Moliyaviy masalada sofdil bo‘ling

Tushunmovchilik bo‘lsa oilaviy baxt bo‘lmaydi, ayniqsa, bu pul bilan bog‘liq bo‘lsa.

7. Bir-biringizni maqtang

Sevimli insoningizning tabassumi, hislati, ovozi, ko‘zlari, sochlari qanchalik yoqishi haqida gapiring. Siz uni farzandingiz uchun ajoyib ota (ona) sifatida qadrlashingizni bildiring. Sevimli insoningiz sizni qoyil qoldirayotganligini bilishi kerak.8. Bir-biringizni hayratda qoldiring

Biror-bir kutilmagan ish qiling. Masalan, kiyimining cho‘ntagida xat qoldiring, uni ishdan kutib olayotganingizda gul bering, kichkina sovg‘alar qiling, kutilmagan romantik kechki ovqat uyushtiring va sevgingizni izhor qilib SMS yuboring.

9. Bir-biringizni qo‘llab-quvvatlang

Shaxsiy va professional loyihalarda, kasal bo‘lgan damlarda, og‘ir kunlarda bir-biringizni qo‘llab-quvvatlang. Qiyinchiliklarni yengish uchun yordam bering. Nikoh uzoq muddatga sayohatga chiqqan nimjon va sinuvchan qayiqqa o‘xshaydi, agar birinchi yo‘lovchi uni silkitadigan bo‘lsa, ikkinchi yo‘lovchi uni ag‘darmasdan suzishi uchun harakat qilishi kerak, aks holda, ularning ikkisi ham cho‘kib ketishi mumkin.

10. Birinchi tanishgan vaqtingizda qanday bo‘lgan bo‘lsangiz shunday qoling

Munosabatlarning boshida biz hammamiz ajoyib, yoqimli va o‘zimizning yaxshi sifatlarimizni ko‘rsatish uchun ming xil harakatlar qilamiz. Ma’lum bir vaqt o‘tganidan keyin esa yonimizdagi odamning kamchiliklarini va uning turli vaziyatlarda o‘zini qanday tutishini tushuna boshlaymiz. Nikohdan keyin ayrim insonlar o‘zlarini xotirjam his qilib, o‘z sevimli insoniga yoqish uchun harakat qilmay qo‘yadi. Ular to‘satdan uyda ko‘p vaqtlarda bepardoz yurish, qo‘pol va mijg‘ov bo‘lish mumkinligini his qilishadi. To‘g‘ri, tana va yuzni yoshlik davridagidek saqlab bo‘lmaydi. Chunki, yosh va gravitasiya ayovsizdir. Lekin shu bilan birga jismoniy jihatdan munosib, aqlli va ahloqli bo‘lib qolish uchun ko‘p narsa qilish mumkin. Yaxshi nikoh esa bu doimiy harakatdir.11. Bir tarafga qarab harakat qiling

Agar er-xotinning dunyoqarashi, qadriyatlari, qiziqishlari va maqsadlari bir xil bo‘lsagina nikohda baxt bo‘lishi mumkin Azizlarim!