QIZIQARLI MA’LUMOT

ASABINGIZNI ASRANG AYoLLAR!

Haqiqatan ham, agar siz uy bekasi bo‘lsangiz, bo‘shashingiz kerak! Sizda juda katta bir imkoniyat bor — istalgan paytda yotishingiz mumkin, hatto polda ham. Qanchalik g‘alati tuyulmasin, durustgina qattiq pol bo‘shashtiruvchi mashqlar uchun ko‘rpa solingan prujinali karavotdan juda qulaydir. Pol katta qarshilik ko‘rsatish xususiyatiga ega. Bu umurtqa pog‘onasi uchun foydali.
Shunday qilib, mana sizga uyda bajarishingiz mumkin bo‘lgan bir necha mashqlar. Ularni hech bo‘lmaganda, haftada bir marta bajarishga harakat qiling, ana shunda kayfiyatingiz va tashqi ko‘rinishingiz qanchalik yaxshi bo‘lganini ko‘rasiz!

1⃣ Charchaganingizni sezgan hamono yaktagingiz bilan polga yoting. Butun kuchingiz bilan, agar xohlasangiz, u yonboshdan bu yonboshga dumalang. Ushbu mashqni bir kunda ikki marta bajaring.

2⃣Ko‘zlaringizni yuming. Professor Jonson aytganidek, siz quyidagi bir gapni: «Ko‘kda quyosh nur sochib turibdi. Tepamda moviy shaffof osmon. Tabiat tinch va u olamda hukmron. Men bo‘lsam, tabiat farzandi sifatida koinot bilan birlashib ketganman», — deb aytishga harakat qiling.

3⃣Balki sizda yotish uchun imkoniyat yo‘qdir, chunki gaz pechida qovurma tayyor bo‘lyapti! Mayli, hechqisi yo‘q, kursida o‘tirgan paytda xuddi shunday natija yuzaga kelishi mumkin edi. Qattiq kursi to‘g‘ri yasalgan suyanchig‘i bilan bo‘shashishga hammasidan ko‘proq mos keladi. Xuddi Misr haykali kabi to‘g‘ri o‘tirib, qo‘llaringizni tizzadan pastga, sonlarning yuqori qismiga qo‘ying.

4⃣Endi oyoq panjalarini asta-sekin tarang qiling, so‘ng ularni bo‘shashtiring. Oyoq mushaklarini taranglashtiring, so‘ng ularni bo‘sh qo‘ying. Oyoqlarni yuqori ko‘tarib, asta- sekin, butun gavda mushaklari bilan toki bo‘yinga borguncha bajaring. So‘ng boshingizni misoli futbol to‘pi kabi asta-sekin aylantiring. O‘z mushaklaringizga qarata, oldingi bo‘limdagi kabi, «xotirjam dam oling», «xotirjam dam oling», deya takrorlang.

5⃣Asablaringizni osoyishta tekis nafas olish yo‘li bilan tinchlantiring. Hind yoglari haq: ritmik nafas olish — asablarni tinchlantirishning eng yaxshi usullaridan biri, kashfiyoti edi.

6⃣ Ajinlaringiz va yuzingizdagi burishgan joylarni unutmang, ularning barini silab tekislang. Xo‘mrayganda, qoshlaringiz orasida paydo bo‘lgan burmalarni hamda og‘iz burchagidagi burmalarni tekislab tarqating. Buni bir kunda ikki marta ado eting, shunda siz uchun go‘zallik saloniga borishning hojati qolmaydi. Ruhiy ahvolingizning yaxshilanishi tashqi qiyofangizni ham tuzatishi ehtimoldan xoli emas.