O‘RIK
Mehribon va o‘z erkinligingizni hech nimaga alishmaydigan insonsiz. hamisha mustaqil fikr yuritasiz, mushkul vaziyatga qolganlarga befarq qarolmaysiz. Ijodga moyilligingiz bor.
ANANAS
Siz tez qaror chiqaradigan va rejalarini ham shu tarzda amalga oshiradiganlardansiz. Yangiliklardan cho‘chimaysiz, hayotingiz zerikarli o‘tmasligi uchun doim biror o‘zgarish qilishga intilasiz. Ammo ba’zida shoshma-shosharligingiz pand berib qo‘yadi.
APEL’SIN
Ushbu mevani yoqtirganlar juda sabrli bo‘lishadi. Salgina his-xayajonlarga beriluvchanligi ham bor. Ammo ulardan qattiqqo‘l rahbar chiqmaydi. Chunki xodimlariga ko‘ngilchanlik qilishadi-da.
UZUM
Yoqtirgan mevangiz uzum bo‘lsa, tan oling jahlingiz tez. Shundaymi? Ammo hovuringizdan tushishingiz oson. Muloqotga kirishimli ekanligingiz uchun suhbatdoshlaringiz bu injiqligingizga ko‘z yumishadi.
OLChA
Tasavvuri boy, xayolparast va biroz shoshqaloq odamlarning sevimli mevasi. Ko‘pincha natijasini o‘ylamay, fikr bildirishadi yoki rejalarini amalga oshirishni boshladi. Biroq o‘zlari kutganiday bo‘lmasa, xafa bo‘lishmaydi ham. Chunki tasavvurlaridagi yangi g‘oyalar yana yangi sarguzashtlarga boshlaydi.
NOK
Siz nokni yoqtirasizmi? Demak ozgina dangasaligingiz ham bor. Lekin astoydil kirishsangiz har qanday masalani osonlikcha hal etolasiz. Bir g‘ayrat qilsangiz bormi, xizmat lavozimingiz ko‘tarilishi ham hech gap emas.
KIVI
Ushbu meva ixlosmandlari muammolarga tik qarashni yaxshi bilishadi. Tushkun kayfiyat, chorasizlik ular uchun yot tushunchalar. Boshni baland tutib, faqat olg‘a boramiz – mana ularning shiori.
MANDARIN
Fe’lingizni tushunish qiyin. Aslingizdek ko‘rinishni istaysiz-u, ammo nimadir xalaqit beradi. Do‘stlar davrasida doim xushchaqchaq va kirishimlisiz. Ba’zan muammolaringizni ham tabassum bilan yashirishga urinasiz. Ammo qaysidir holatingiz bildirib qo‘yadi.
OLMA
Sizda tug‘ma yetakchilik qobiliyati bor. Qanday ishga qo‘l urmang hamisha birinchi bo‘lishga harakat qilasiz va bu ishni uddalaysiz ham. Shijoatingiz havas qilguday bo‘lsa ham, ba’zan o‘zingizni unutib qo‘yasiz. Boshqalar uchun qayg‘urganingiz yaxshi, ammo o‘zingizni ham o‘ylang-da.
Fikr bildirish
Sharhlash uchun siz saytga kirishingiz lozim.